Ný kynslóð
Rolls-Royce Marine
fiskiskipa
Ítarlegar upplýsingar, myndir, tækniupplýsingar, tækjabúnaður, rekstur, afkastageta og fleira.
Sjá meira
Vefkynning
Kynning á starfsemi Héðins Vefkynning
Atvinnumöguleikar
Hjá Héðni hf, er hægt að sækja um fjölbreytt störf á sviði vélsmíði, rennismíði, plötusmíði og suðuvinnu. Við tökum nema í vélsmíði, rennismíði, plötusmíði og suðuvinnu. Atvinnuumsókn
Fegrunarnefnd Hafnarfjarðar afhenti Héðni viðurkenningu nú í byrjun ágúst fyrir snyrtilegt umhverfi. Héðinn var eina fyrirtækið í Hafnarfirði sem fékk slíka viðurkenningu að þessu sinni. Við sama tækifæri fengu átta garðar við heimili í Hafnarfirði viðurkenningu fyrir fallegt og snyrtilegt umhverfi og Skógarhlíð var útnefnd Stjörnugata Hafnarfjarðar árið 2010. Guðmundur Rúnar Árnason bæjarstjóri Hafnarfjarðar afhenti viðurkenninguna og sagði að hún væri ekki síst hvatning til annarra íbúa og fyrirtækja um að fylgja góðu fordæmi.
Héðinn hefur hlotið vottun bandarísku samtakanna TRACE International um að fyrirtækið mæti kröfum um óflekkaða viðskiptahegðun á alþjóðlegum markaði. Vottun frá TRACE er eitt af skilyrðum sem Rolls-Royce Marine gerir til þeirra sem annast sölu og þjónustu fyrir fyrirtækið. Víða um heim er ætlast til þess af stórfyrirtækjum að þau greiði mútur eða veiti óeðlilega fyrirgreiðslu með öðrum hætti til að fá að stunda viðskipti. 
Prófanir standa nú yfir á færanlegu fiskimjölsverksmiðjunni sem Héðinn kynnti fyrst til sögunnar á Sjávarútvegssýningunni haustið 2008. Mikil undirbúnings- og þróunarvinna hefur átt sér stað síðan þá. Í vetur hófst smíði á tilraunaútgáfu verksmiðjunnar og í vor hófust prófanir.
„Árangurinn er vonum framar,“ segir Gunnar Pálsson þróunarstjóri Héðins. „Fiskimjölið og lýsið sem við fáum úr framleiðslunni eru fyrsta flokks.“ Að sögn hans hafa allar forsendur við hönnun verksmiðjunnar gengið upp, en eins og gefur að skilja hefur mikil vinna falist í prófunum og breytingum.
Norðborgin á loðnuveiðum í febrúar síðastliðnum. Ljósm: Magnús Öfjörð.
„Verksmiðjan hefur staðið undir væntingum okkar og gott betur,“ segir Pól Huus Sólstein, sölustjóri afurðasölu Norðborgarinnar í Færeyjum, um lýsis- og fiskimjölsverksmiðjuna frá Héðni sem var hönnuð inn í skipið frá upphafi.
Eitt ár er liðið frá því Norðborgin fór fyrst á veiðar frá heimahöfn sinni í Klakksvík. „Á þessu fyrsta ári höfum við framleitt 3.903 tonn af fiskimjöli um borð og komið með 1.340 tonn af lýsi að landi,“ segir Pól.
Umfangsmesta verkefni Héðins síðasta eitt og hálfa árið er lokið. Ný og endurbætt fiskimjölsverksmiðja HB Granda á Vopnafirði var gangsett fyrir síðustu loðnuvertíð, en Héðinn var aðalverktaki við endurnýjun og uppbyggingu verksmiðjunnar. Síðustu vikurnar hafa svo farið í lokafrágang.
Séð yfir fiskimjölsverksmiðju HB Granda á Vopnafirði að loknum framkvæmdum. Til vinstri er nýja verksmiðjuhúsið ásamt ketilhúsi, þá aðstaða fyrir starfsfólk og rými fyrir rafmagsspenna og til hægri mjöltankarnir úr verksmiðjunni í Reykjavík. Ljósm: Jón Sigurðsson Vopnafirði.
Gæðastjórnunarkerfi Héðins hf. hafa verið vottuð samkvæmt ISO 9001 staðlinum. Héðinn er fyrsta fyrirtækið í málmiðnaði og véltækni hér á landi til að hljóta þessa vottun.
